काठमाडौं । महाशिवरात्रिको दिन शिवबुटी (भाङ) खाएर रमाइलो गर्ने क्रममा केटासाथीसँग चुम्बन गरेको भिडियो फेसबुकबाट बाहिरिएपछि एक युवतीले प्रहरीलाई खबर गरिन् ।
प्रहरीले निकै मेहनतका साथ शनिबार साँझ त्यस्तो कार्यमा संलग्न तीन जनालाई पक्राउ गर्यो । महानगरीय प्रहरी वृत्त जगतेका प्रमुख चक्रप्रसाद जोशीका अनुसार सहमतिमा खिचेको भिडियो बाहिरिएपछि युवतीले चरित्र हत्या गरेको भन्दै मौखिक खबर गरकी थिइन् ।
भिडियो बनाउने कार्यमा युवतीको सहमति भएकोले भिडियो निर्माणमा संलग्न व्यक्तिलाई पक्राउ गर्दा समेत उजुरी दिन नआएको प्रहरीको भनाइ छ । तर पछि ती युवतीले भिडियो हटाइएकाले पक्राउ परेकालाई छोड्न आग्रह गरेकी थिइन् । आजको गोरखापत्रमा प्रकाशित छ ।
वि.सं.२०७६ फागुन १२ सोमवार ०५:०१ मा प्रकाशित
