काठमाडौं । आगामी मार्च देश्रो साताबाट सुरु हुन लागेको अमेरिकी जनगणनामा नेपालीहरूको सहि तथ्याङ्क संकलमा सहयोग गर्ने उद्येश्यले एनआरएन कोलोराडो च्याप्टरले समिति गठन गरेको छ ।
नेपाली समूदायमा सचेतना अभिवृद्धि गर्ने उद्देश्यको साथ विभिन्न संघ÷संस्था तथा क्षेत्रको प्रतिनिधित्व हूने गरी उपाध्यक्ष रामचन्द्र पन्तको संयोजकत्वमा २५ सदस्यीय सिमिती गठन गरिएको हो ।
समितिको सदस्यहरूमा नवराज न्यौपाने , प्रकाश पौडेल , दीपक सूनूवार , माधव प्रसाद शिवाकोटी,किरण अधिकारी, टिका पौडेल, प्रमोद भन्डारी , शंकर गुरुङ , यमुना केसी , दिलकुमारी श्रेष्ठ , सम्झना आचार्य ,प्रेमकाजी श्रेष्ठ , गणेशराज पौडेल, नन्दलाल न्यौपाने , हरीश खत्री , सुमन केसी , पदमराज तमाङ , चीरन्जीवी रेग्मी , अमृता आचार्य , विजय बराल , लाल चैलागाई , सन्जयसिंह केसी , धुर्व पौडेल , चन्द्रकान्त अधिकारी रहेका छन् ।
कोलोराडेमा बसोबास गर्ने सबै समुदाय, क्षेत्र, र संघ संस्थाका प्रतिनित्व हुनेगरी गठन गरिएको समितिमा आवश्यक संख्या थप्दैजान सकिन च्याप्टर सचिव नवराज न्यौपानेले जानकारी दिनुभयो ।
अनुमानित अमेरिकामा नेपालीको संख्या तीन लाख माथि पुगिसकेको बताइए पनि आधिकारिक तथ्यांक न्यून छ । त्यसैले प्राय सबै सरकारी कागजातमा नेपालीले एशियाली वा भारतीय एशियाली मूलुकबाट आफ्नो पहिचान खुलाउन बाध्य हुन परेको छ ।
जनगणना मार्फत नेपालीको सहि तथ्यांक आएमा सरकारी पहिचान नै फरक पर्न सक्नेछ । त्यसैले सबै कोलोराडो बासी नेपालीलाई आफ्नो मातृभाषा खुलाएर जनगणनामा भाग लीन एनआरएन कोलोराडो च्याप्टरले सबैलाइ अपील गरेका छ ।
एनआरएन कोलोराडो च्याप्टरले यसपालीको जनगणनामा कोही पनि नेपाली नछुटुन् भन्ने उद्देश्यले चेतना बढाउने निर्णय गरि समिति गठन गरेको बताएको छ ।
वि.सं.२०७६ फागुन १४ बुधवार १४:०५ मा प्रकाशित