काठमाडौं । एनआईसी एशिया बैंक लिमिटेडको स्वामित्वमा रहेको सूर्या लाईफ इन्स्योरेन्स कम्पनीको संस्थापक शेयर लिलामीमा विक्री हुने भएको छ । बैंकले ४१ हजार ४०० कित्ता संस्थापक शेयर लिलामीमा विक्री गर्न लागेको हो ।
कम्पनीले सोमवार सूचना प्रकाशित गरी उक्त संस्थापक शेयर लिलामीमा विक्री हुने जानकारी दिएको हो ।उक्त शेयर खरीद इच्छुक लगानीकर्ताले सूचना प्रकाशित भएको ११ दिनभित्र बैंकको शेयर रजिष्ट्रार एनआईसी एशिया क्यापिटल लिमिटेड तथा एनआईसी एशिया बैंकका कर्पोरेट तथा शाखा कार्यालयहरुमा गोप्य शिलबन्दी बोलपत्र पेश गनुपर्ने छ ।
लगानीकर्ताले न्यूनतम १०० कित्तादेखि सो भन्दा माथिका लागि १० ले भाग जाने गरी अधिकतममा सम्पूर्ण कित्ताको लागि आवेदन दिन सक्नेछन् । लिलामी शेयरमा आवेदन दिनको लागि फागुन १९ गतेदेखि २९ गतेसम्म अवधि तोकिएको छ ।
शेयरको न्यूनतम मूल्य रू. २७५ तोकिएको हुँदा सोभन्दा बढीको मूल्य अंकित गरी बोलकबोल गर्नुपर्ने हुन्छ । बैंकको विक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७६ फागुन २० मंगलवार ०९:१६ मा प्रकाशित