काठमाडौं । मंगलवार भएको पहिलो घण्टामा ९ दशमलव ३० अंकले बढेर १ हजार ५०४ दशमलव ६० विन्दुमा पुगेको छ ।
१ हजार ४९१ दशमलव २३ विन्दुबाट शुरु भएको परिसूचक कारोबार शुरु भएको पहिलो १० मिनेटमा घटेर १ हजार ४३९ दशमलव ५३ विन्दुसम्म पुगेको थियो । सो पछि उकालो लागेको नेप्से कारोबारको यस अवधिमा शून्य दशमलव ६२ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये व्यापार, होटल्स र लघुवित्त समूहको परिसूचक घटेको छ भने बाँकी ९ समूहको परिसूचक बढेको छ पहिलो घण्टाको कारोबारमा १६६ ओटा कम्पनीको रू. १ अर्ब ५० करोड बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. १४ करोड ८० लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ३०० मा कारोबार भइरहेको छ ।
कारोबार रकमकै आधारमा एनआईसी एशिया बैंकको रू. ९ करोड ४७ लाख बराबरको शेयर कारोबार भएको छ । सो समयमा बैंकको शेयर मूल्य रू. ६०५ रहेको छ ।
वि.सं.२०७६ फागुन २० मंगलवार १२:०० मा प्रकाशित