काठमाडौं । बुधवार नेप्से कारोबार भएको पहिलो घण्टामा २४ दशमलव १० अंकले घटेर १ हजार ४८५ दशमलव ५७ विन्दुमा पुगेको छ ।१ हजार ५११ दशमलव ४२ विन्दुबाट शुरु भएको परिसूचक कारोबारकोे यस अवधिमा १ दशमलव ६० प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये सबै समूहको परिसूचक घट्दा समग्र नेप्से घटेको हो । बुधवार पहिलो घण्टाको कारोबारमा १५९ ओटा कम्पनीको ५ हजार ९७९ पटकको कारोबारमा १२ लाख ८ हजार ५८९ कित्ताको रू. ५४ करोड ३८ लाख बराबरको शेयर कारोबार भएको छ ।
यस अवधिमा नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू.६ करोड ३५ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार २८९ मा कारोबार भइरहेको छ ।
कारोबार रकमकै आधारमा दोस्रोमा एनआईसी एशिया बैंकको रू. २ करोड ९२ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ५९६ रहेको छ ।
वि.सं.२०७६ फागुन २१ बुधवार १२:०८ मा प्रकाशित
