काठमाडौं । कृषि विकास बैंकको अध्यक्षमा लक्ष्मीप्रपन्न निरौला नियुक्त भएका छन् । नेपाल राष्ट्र बैंकका पूर्व प्रवक्ता तथा कार्यकारी निर्देशक समेत भइसकेका निरौलालाई बुधवार नेपाल राष्ट्र बैंकका गभर्नर चिरञ्जिवी नेपालले पद तथा गोपनियताको शपथ खुवाएका हुन् ।
निरौला अर्थमन्त्रीस्तरीय निर्णयबाट अध्यक्षमा नियुक्त भएका हुन् । उनीसँग राष्ट्र बैंकको बैंक सुपरिवेक्षण, नियमन विभागको अनुभव रहेको छ । अर्थशास्त्र र जनप्रशासनमा स्नातकोत्तर निरौला राष्ट्र बैंकको व्यवस्थापन समितिका सदस्य सचिव भइसकेका छन् ।
वि.सं.२०७६ फागुन २१ बुधवार १३:३८ मा प्रकाशित