काठमाडौं । नेपाल टेलिकमले जीएसएम मोबाइल सेवाको सिष्टम स्तरोन्नती गरि डाटा सेवालाई अझै तिव्र बनाएको छ । टेलिकमले फागुन २२ गते मोबाइल सेवाको सिष्टम अपग्रेड सम्पन्न गरेको हो ।
कम्पनीले डाटा सेवाका लागि विगतदेखि सञ्चालन गरिरहेको पीसीआरएफ (PCRF-Policy and Charging Rules Function) सिष्टमबाट जिएसएम प्रविधि अन्तर्गतको वायरलेस डाटा सेवाका लागि क्षमता पर्याप्त नभएकाले नयाँ सिस्टम जडान गरी पुराना ग्राहकहरुलाई स्तरोन्नति गरिएको टेलिकमले जनाएको छ ।
पीसीआरएफ सिस्टमलाई स्तरोन्नति गरे पश्चात् सेवाग्राहीले उच्च गतिमा डाटा सेवा सहजरुपमा प्रयोग गर्न सकिने टेलिकमले जनाएको छ । यसबाट डाटाको स्पिड बढ्नुका साथै डाटा चलाउदै गर्दा प्याकेजको रकम ८० प्रतिशत सकिएमा र सबै प्याकेज सकिनै लागेमा सेवाग्राहीले अलर्ट मेसेज पनि प्राप्त गर्नेछन् ।
यस स्तरोन्नतिबाट कम्पनीको जीएसएम टुजी/थ्रीजी/फोरजी अन्तर्गतका डाटा सेवा ग्राहकवर्गका लागि थप प्रभावकारी र आकर्षक हुने टेलिकमको विश्वास रहेको छ ।
वि.सं.२०७६ फागुन २३ शुक्रवार १८:१६ मा प्रकाशित