काठमाडौं । दोस्रोपटक मिर्गौला प्रत्यारोपण गरेर शुक्रबार बालुवाटार फर्कनुभएका प्रधानमन्त्री केपी शर्मा ओलीको दैनिकी व्यस्त हुन थालेको छ । शनिबारबाटै उहाँ छलफलमा सहभागी हुन थाल्नुभएको थियो । आइतबार उहाँ अझ सक्रिय देखिनुभयो ।
आइतबार प्रधानमन्त्री ओलीले दक्षिण एसियाली क्षेत्रीय सहयोग संगठन (सार्क) क्षेत्रका नेताहरुबीच भएको भिडयो कन्फेरेन्समा सिंहदरबारस्थित एक्सन रुमबाट सम्बोधन गर्नुभयो ।
१९ फागुनमा मिर्गौला प्रत्यारोपणका लागि अस्पताल भर्ना हुनुभएका उहाँ १२ दिनपछि बालुवाटार फर्कनुभएको हो । प्रधानमन्त्री ओली शनिवारबाटै छलफलमा सहभागी हुन थालेको प्रधानमन्त्रीका प्रेस सल्लाहकार सूर्य थापाले बताउनुभयो । ‘उहाँ पुरानै लयमा फर्कँदै हुनुहुन्छ । नियमित काममा अग्रसर भइरहनुभएको छ,’ थापाले भन्नुभयो ।
वि.सं.२०७६ चैत ३ सोमवार ०६:४६ मा प्रकाशित