काठमाडौं । मंगलवार नेपाल स्टक एक्सचेञ्ज (नेप्से)मा दुई कम्पनीको मूल्य समायोजन भएको छ ।नेपाल इन्स्योरेन्स कम्पनी लिमिटेड र महिला सहयात्रा लघुवित्त वित्तीय संस्थाको बोनस शेयरको मूल्य समायोजन भएको हो ।
नेप्सेले नेपाल इन्स्योरेन्स कम्पनी लिमिटेडको ५ प्रतिशत बोनस शेयरको सामायोजन पछि मूल्य रू. ३९६ दशमलव १९ र महिला सहयात्रा लघुवित्तको १० प्रतिशत बोनस शेयरको सामायोजन पछि मूल्य रू. ६८२ दशमलव ७३ तोकेको छ ।
दुवै कम्पनीले साधारण सभा प्रयोजनको लागि मंगलवार बुक क्लोज गरेसँगै नेप्सेले कम्पनीको मूल्य समायोजन गरी नयाँ शेयर मूल्य निर्धारण गरेको हो ।नेपाल इन्स्योरेन्स कम्पनीको साधारण सभा चैत २१ गते एयरपोर्ट होटल सिनामंगलमा हुँदैछ । कम्पनीले शेयरधनीलाई ५ प्रतिशत बोनस शेयर र २ दशमलव ८९ प्रतिशत नगद लाभांश वितरण गर्ने प्रस्ताव पारित गर्नेछ ।
त्यसैगरी, महिला सहयात्रा लघुवित्तले चैत २२ गते ओम अध्याय रिट्रिट रिसोर्ट, बज्रबाराही, मकवानपुरमा साधारण सभा आयोजना गरेको छ । कम्पनीले शेयरधनीलाई १० प्रतिशत बोनस शेयर र ७ दशमलव ५ प्रतिशत नगद लाभांश वितरण गर्ने प्रस्ताव पारित गर्नेछ ।
वि.सं.२०७६ चैत ४ मंगलवार ११:२७ मा प्रकाशित