काठमाडौं । मंगलवार नेप्से कारोबार भएको पहिलो घण्टामा १६ दशमलव शून्य ६ अंकले घटेको छ । १ हजार ३१६ दशमलव ७४ विन्दुबाट शुरु भएको परिसूचक कारोबारको पहिलो घण्टामा १ दशमलव २२ प्रतिशत घटेर १ हजार ३०० दशमलव ३३ विन्दुमा पुगेको छ ।
यस अवधिसम्म कारोबारमा आएका १२ समूहको परिसूचकमध्ये म्युचुअल फण्ड समूहको परिसूचक बढेको छ भने बाँकी ११ समूहको परिसूचक घट्दा समग्र नेप्से घटेको हो ।
मंगलवार पहिलो घण्टाको कारोबारमा १४४ ओटा कम्पनीको २ हजार ११ पटकको कारोबारमा ५ लाख ६८ हजार २३२ कित्ताको रू. १८ करोड बराबरको शेयर कारोबार भएको छ ।
यस अवधिमा ग्लोबल आइएमई बैंकको संस्थापक शेयरको सर्वाधिक कारोबार भएको छ । उक्त बैंकको रू. २ करोड ३९ लाख बराबरको शेयर कारोबार भएको छ । सो समयमा बैंकको शेयर मूल्य रू. १६३ मा कारोबार भइरहेको छ ।
कारोबार रकमकै आधारमा दोस्रोमा एनआईसी एशिया बैंकको रू. १ करोड ९२ लाख बराबरको शेयर कारोबार भएको छ । सो समयमा बैंकको शेयर मूल्य रू. ५१४ रहेको छ ।
वि.सं.२०७६ चैत ४ मंगलवार १२:१३ मा प्रकाशित
