काठमाडौं । मंगलवार नेप्से कारोबार भएको दोस्रो घण्टामा २२ दशमलव ९९ अंकले घटेको छ । १ हजार ३१६ दशमलव ७४ विन्दुबाट शुरु भएको परिसूचक कारोबारको दोस्रो घण्टामा १ दशमलव ७५ प्रतिशत घटेर १ हजार २९३ दशमलव ४१ विन्दुमा पुगेको छ ।
यस अवधिसम्म कारोबारमा आएका १२ समूहको परिसूचकमध्ये म्युचुअल फण्ड समूहको परिसूचक बढेको छ भने बाँकी ११ समूहको परिसूचक घट्दा समग्र नेप्से घटेको हो । दोस्रो घण्टाको कारोबारमा १५९ ओटा कम्पनीको रू. ४१ करोड ४२ लाख बराबरको शेयर कारोबार भएको छ ।
यस अवधिमा एनआईसी एशिया बैंकको सर्वाधिक कारोबार भएको छ । उक्त बैंकको रू. ३ करोड ५८ लाख बराबरको शेयर कारोबार भएको छ । सो समयमा बैंकको शेयर मूल्य रू. ५१३ मा कारोबार भइरहेको छ ।
कारोबार रकमकै आधारमा दोस्रोमा एनएमबि बैंकको रू. ३ करोड ५५ लाख बराबरको शेयर कारोबार भएको छ । सो समयमा बैंकको शेयर मूल्य रू. ३९६ रहेको छ ।
वि.सं.२०७६ चैत ४ मंगलवार १३:१० मा प्रकाशित
