काठमाडौं । न्यु सुपर चमत्कारिक तलब बचत खातामा उपभोक्ताले पत्याउनै नसक्ने फाइदा पाइने एनआईसी एशिया बैंकले जानकारी दिएको छ । बैंकका अनुसार ग्राहकले तलब खाताबाट ग्राहकले न्यून ब्याजबाहेक थप फाइदा पनि महसुस गर्ने दाबी गरेको छ ।
प्राय तलब आउने खाताबाट ब्याजको अपेक्षा गरिँदैन र त्यहाँबाट आर्कषक ब्याज पाइदैन । तर, एनआईसी एशियामा निःशुल्क खोल्न मिल्ने तलब बचत खातामा अन्य बचत खातामा जस्तै ६ दशमलव ५ प्रतिशत ब्याज दिएको छ ।
बैंकले ग्राहकको फाइदाको लागि ब्याज बाहेक अन्य फाइदा पनि उपलब्ध गराउँदै आएको दाबी गरेको छ ।यो खातामा अतरिक्त सेवा प्रयोगमा शूल्क लाग्दैन । इन्टरनेट बैंकिङ तथा मोबाइल बैंकिङसँगै डेबिट कार्ड, क्रेडिट कार्ड, डिम्याट खाता, एबीबीएस निःशुल्क छ । जुनसुकै बैंकको एटीएमबाट रकम निकाल्दा शूल्क लाग्दैन ।
यसका अतिरिक्त तबल बचत खाता भएका कर्मचारीको लागि बैंकले बीमा पनि दिएको छ । जसअनुसार ग्राहकको दुर्घटनामा परि मृत्यु भएमा वा पूर्ण रुपमा असक्त भएमा दुर्घटना बीमा वापत संरक्षण खातावालाले १० लाख रुपैयाँसम्म पाउँछन् । त्यस्तै, १८ घातक रोग लागेमा ५ लाख रुपैयाँसम्म बीमा स्वरुप प्राप्त गर्न सक्नेछन् ।
यस्तै बैंकले न्यू सुपर चमत्कारिक तलब बचत खाता भएका कर्मचारीको लागि कर्जा फाइदा पनि दिएको छ । बैंकले न्यून ब्याजदरमा घर कर्जा तथा सवारी कर्जाको फाइदा पनि दिएको छ ।
ग्राहकले न्यूनतम १ लाख रुपैयाँदेखि अधिकतम १५ लाख रुपैयाँ वा २५ महिनाको तलब मध्ये जुन कम हुन्छ सोही रकम बराबरको बिना धितो व्याक्तिगत कर्जा पनि लिन सक्नेछन् । साथै, २ लाख रुपैयाँसम्मको क्रेडिट कार्ड तथा ५ लाख रुपैयाँसम्मको ओभरड्राफ्ट कर्जाको समेत व्यवस्था गरिएको छ ।
यसबाहेक बैंकले ३ महिनाको अग्रीम तलव फाइदा वर्षमा एक पटक उपलब्ध गराएको छ । यसबाहेक अन्य विविध फाइदा भएको बैंकको दाबी छ ।
वि.सं.२०७६ चैत ६ बिहीवार १७:०९ मा प्रकाशित