काठमाडौं । बिजुलीको बिल तिर्न ढिलाइ भएपनि जरिवाना शुल्क नलाग्ने भएको छ । कोरोना भाइरसको संक्रमण हुन नदिन विद्युत महसुल तिर्न ढिला भएपनि कुनै जरिवाना नलाग्ने निर्णय भएको हो ।
सरकारले विद्युत महसुल तिर्न नेपाल विद्युत प्राधिकरणका विलिङ काउन्टरमा लाग्ने भिड कम गर्न महसुल तिर्न ढिलाई हुँदाको जरिवाना शुल्क मिनाहा गर्ने निर्णय गरेको विद्युत प्राधिकरणले जनाएको छ ।
जरिवाना नलाग्ने भएपछि भिडभाड नगर्न प्राधिकरणले सर्वसाधारणलाई अनुरोध समेत गरेको छ ।
वि.सं.२०७६ चैत ९ आइतवार १४:४८ मा प्रकाशित