तनहुँ । तनहुँमा बिहान र बेलुकी दुई समय ‘लकडाउन’ खुल्ने भएको छ । दैनिक उपभोग हुने सामग्री किनबेचका लागि जिल्ला प्रशासन कार्यालयले दुई समय ‘लकडाउन’ खोल्न लागेको हो ।
नेपाल सरकारले कोरोना भाइरसको रोकथाम तथा नियन्त्रण गर्न मंगलबारदेखि देशभर ‘लकडाउन’ गर्न निर्देशन दिएको थियो । त्यस्तै, जिल्ला प्रशासन कार्यालय तनहुँले अत्यावश्यक सेवाको किनबेचका लागि दुई समय लकडाउन खोल्न लागेको प्रमुख जिल्ला अधिकारी बद्रिनाथ अधिकारीले जानकारी दिए ।
’दैनिक उपभोग हुने सामग्रीको किनबेच गर्नका लागि बिहान र बेलुकी दुई समय ‘लकडाउन’ खोल्न लागेको हो,’प्रमुख जिल्ला अधिकारी बद्रिनाथले भने,’बिहान ६ बजे देखि १० बजेसम्म र साँझ ४ बजेदेखि सात बजेसम्म खोल्न लागेको हो।’
वि.सं.२०७६ चैत ११ मंगलवार १८:३७ मा प्रकाशित
