काठमाडौं । साउदीका केही क्षेत्रमा कोरोना रोकथामका लागि २४ घण्टे कर्फ्यु लगाइएको छ ।
सोमबारदेखि रियाद, दमाम, ताबुक, दहरान, हफुफ, ताइफ, कतिफ, अलखोबर र जेद्दाका सम्पूर्ण क्षेत्रहरुमा २४ घण्टे कर्फ्यु लागू भएको साउदीको गृह मन्त्रालयको भनाइ उद्धृत गर्दै त्यहाँ रहेको नेपाली दूतावासले उल्लेख गरेको छ ।
साउदी सरकारले जारी गरेको कर्फ्युको पालना गर्न र स्थानीय अधिकारीले दिएको सेवाबाहेक कुनै पनि अवस्थामा बाहिर ननिस्कन दूतावासले अनुरोध गरेको छ । चार जना नेपाली श्रमिकमा कोरोनाको सङ्क्रमण देखिइसकेकोले उच्च सुरक्षा सतर्कता अपनाउन र कुनै समस्या भएमा दूतावासमा सम्पर्क गर्न पनि अनुरोध गरिएको छ । एजेन्सी
वि.सं.२०७६ चैत २५ मंगलवार १२:०४ मा प्रकाशित
