काठमाडौं । कोरोना भाइरस अर्थात कोभिड-१९ को महामारीमा विश्व आक्रान्त बनेका बेला नेपालमा पनि यसलाई फैलन नदिनका लागि सरकारद्वारा लकडाउन घोषणा गरिएको छ ।
सरकारद्वारा घोषणा गरिएको यस लकडाउनमा अति आवश्यक काम नभएसम्म घर बाट बाहिर ननिस्कन सरकारले आग्रह गरेको छ ।लकडाउनले गर्दा उद्योग, कल कारखाना, शैक्षिक संस्था लगायतका विभिन्न कम्पनी तथा कार्यालयहरु बन्द छन् ।
यस्तो अवस्थामा अनलाइन मिटिङ, एक अर्कासँग कुराकानी गर्न, मनोरञ्जन लिन, सूचना तथा जानकारी लिन, समय विताउन तथा अन्य विविध कामको लागि इन्टरनेट सेवा अति आवश्यक भएको छ ।
अनलाइन बैकिङ, अनलाइन ऐजुकेसन, कर्पोरेट काम, अनलाइन मेडिकल परामर्श जस्ता चुनैतिपूर्ण कार्यहरु पनि इन्टरनेटको प्रयोगबाट नै सम्भव भइरहेको छ ।
यस्तो चुनौतिपूर्ण घडिमा ग्राहकहरुलाई सेवा प्रदान गर्नको निम्ति इन्टरनेट सेवा प्रदायक कम्पनी क्लासिक टेकले बिशेष सावधानी अपनाएर सेवा दिने जानकारी दिएको छ ।
क्लासिक टेकको कोभिड-१९ फाइबर टास्क फोर्सले बैंक र अस्पताल लगायतका कर्पोरेटहरुमा सिस्टम डाउन भएको अवस्थामा मर्मत गर्ने लगायत इन्टरनेटका विविध समस्याहरु तत्काल समाधान गर्दै आएको कम्पनीले जनाएको छ ।
क्लासिक टेकले कोभिड-१९ फाइबर टास्क फोर्सेको स्वास्थ्य सुरक्षालाई ध्यानमा राखी समय समयमा स्वास्थ्य परिक्षण गराउनुका साथै उनीहरुका लागि सुरक्षा पोसाक र पर्याप्त सेफ्टी किटको प्रवन्ध समेत मिलाएको जानकारी गराएको छ ।
साथमा कोरोना संक्रमणबाट सुरक्षित रहने बिशेष सावधानिका उपायहरु बारे पनि सचेतना प्रशिक्षण दिइएको क्लासिक टेकले जनाएको छ ।
महामारीबाट आफ्ना कोभिड-१९ फाइबर टास्क फोर्सेका स्टाफ कर्मचारी तथा उनीहरुका परिवार जन र आफन्तजनमा पर्न सक्ने प्रतिकूल प्रभावलाई मध्यनजर गरी क्लासिक टेकले कार्यालयहरुमा नै कोभिड-१९ फाइबर टास्क फोर्सको लागि खाना बस्नको व्यवस्था समेत मिलाएको र चारै प्रहर सेवाप्रवाह गराउँदै आएको समेत जनाएको छ ।
वि.सं.२०७६ चैत २७ बिहीवार १७:२९ मा प्रकाशित
