काठमाडौं । प्रधानमन्त्री केपी शर्मा ओलीले आज सातै प्रदेशका मुख्य मन्त्रीहरुसँग भिडिओ कन्फ्रेन्स गर्नु हुनेभएको छ । मुख्यमन्त्रीहरुसँग समसामयिक विषयमा ११ बजे छलफल हुने प्रधानमन्त्रीका प्रेस सल्लाहकार सुर्य थापाले जानकारी दिनुभयो ।
’कोभिड–१९ को रोकथामका लागि भइरहेको तयारी र आगामी रणनीतिबारे छलफल गर्न मुख्यमन्त्रीहरुसँग प्रधानमन्त्रीले भिडिओ कन्फरेन्स गर्न लाग्नुभएको हो’, थापाले बताउनुभयो । गत मंगलबार प्रधानमन्त्री ओलीले राष्ट्रका नाममा सम्बोधन गर्नुभएको थियो ।
चैत १४ गते उपप्रधानमन्त्री एवम् रक्षामन्त्री ईश्वर पोखरेलले सातै प्रदेशका मुख्यमन्त्रीहरुसँग भिडिओ कन्फरेन्सबाट कुराकानी गर्नुभएको थियो ।
वि.सं.२०७६ चैत २९ शनिवार १०:०६ मा प्रकाशित