काठमाडौ । प्रधानमन्त्री केपी शर्मा ओलीले मंगलबार बिहान ११ बजे मन्त्रिपरिषदको बैठक बोलाउनुभएको छ । मन्त्रिपरिषदको बैठकले तेस्रो पटक लकडाउनको म्याद थप्न सक्ने स्रोतको भनाइ छ ।
अब थपिने लकडाउन हप्ता दिनदेखि १० दिनसम्म हुनसक्ने अनुमान गरिएको छ । सरकारले दोस्रो पटक थप गरेको लकडाउन बुधबार सकिँदैछ ।
प्रधानमन्त्री ओलीले गत शनिबार सातै प्रदेशका मुख्यमन्त्रीसँग भिडियो कन्फ्रेन्स मार्फत बैठक गर्ने क्रममा मुख्यमन्त्रीहरूले लकडाउनको अवधी थप्न सुझाव दिनुभएको थियो ।
वि.सं.२०७७ वैशाख १ सोमवार २१:०१ मा प्रकाशित