काठमाडौं । प्रधानमन्त्री केपी शर्मा ओलीले कोभिड–१९ रोकथाम, नियन्त्रण तथा उपचार उच्चस्तरीय समन्वय समितिमा सदस्य रहेका मन्त्रीहरुसँग उपत्यका छाड्न चाहने हरुका लागि आवश्यक व्यवस्था गर्नेबारे छलफल सुरु गर्नुभएको छ ।
प्रधानमन्त्री निवास बालुवाटारमा सो समितिमा रहेका मन्त्रीहरुसँग छलफल जारी रहेको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
सयौं किलोमिटर टाढाका जिल्लावासीहरु समेत दिनहुँ काठमाडौंबाट बालबालिकासहित पैदलै जान थालेपछि सरकारले त्यसबारे छलफल सुरु गरेको हो । उपप्रधानमन्त्री इश्वर पोखरेल नेतृत्वको सो समितिले यसअघि पनि त्यसबारे छलफल गरे पनि स्पष्ट निर्णय लिन सकेको थिएन।
वि.सं.२०७७ वैशाख ५ शुक्रवार १६:१९ मा प्रकाशित
