काठमाडौं । भोलि (बुधबार) बिहान ७ देखि १० बजेसम्म इटहरी उपमहानगरपालिका भित्रका बजार खुल्ला गरिने भएको छ । अत्यावश्यक सामग्री, खाद्यान्न, तरकारी र फलफूका पसल खुल्ला गर्ने व्यवस्था मिलाइएको हो ।
मंगलबार बिहान मेयर द्वारिकलाल चौधरीको अध्यक्षतामा बसेको बैठकले जिल्ला सुरक्षा समितिसँग समन्वय गरी वैशाख १७ देखि बिहान पसल खुल्ला गर्ने निर्णय गरेको हो । वडाध्यक्षहरु, प्रहरी प्रशासन, उद्योग वाणिज्य संघ र नागरिक समाजसमेतको सहभागितामा भएको बैठकले सो निर्णय गरेको मेयर चौधरीले जानकारी दिनुभयो ।
साथै बजार आउँदा सवारी साधन प्रयोग नगरी एक परिवारबाट एकजना मात्र आउनुपर्ने उहाँको भनाई छ । तोकिएको समयमा खरिद बिक्री गर्दा सामाजिक दूरी कायम गर्नुपर्ने र त्यसको नियमित अनुगमन गरिने उहाँले बताउनुभयो । त्यसका साथै औषधि पसल सदाझै २४अै घण्टा सञ्चालन हुने व्यवस्था मिलाइएको छ।
वि.सं.२०७७ वैशाख १६ मंगलवार १६:३७ मा प्रकाशित
