काठमाडौं । सत्तारुढ दल नेपाल कम्युनिस्ट पार्टीको स्थायी कमिटी बैठक बैसाख २५ गते बस्ने भएको छ । प्रधानमन्त्री निवास बालुवाटारमा बसेको सचिवालय बैठकले यस्तो निर्णय गरेको पार्टीका प्रवक्तासमेत रहेका नारायणकाजी श्रेष्ठ जानकारी गराउनुभयो ।
प्रवक्ता श्रेष्ठका अनुसार पार्टी स्थायी कमिटीको बैठकअघि २४ गते पनि सचिवालय बैठक बस्ने निर्णय गरेको बताउनुभयो । बैठकमा प्रधानमन्त्री एवं पार्टी अध्यक्ष केपी शर्मा ओलीले आत्मालोचना समेत गरेको उहाँले जानकारी गराउनुभयो ।
नेपाल कम्युनिष्ट पार्टी (नेकपा) सचिवालयको बैठकको निर्णय :
-कमिकमजोरीलाई आ-आफ्नो तर्फबाट आत्माआलोचना गर्ने, पार्टीका निर्णहरुलाई कार्यान्वयन गर्ने ।
-जनताको जनादेश अनुरुप आर्थिक सामाजिक रुपान्तरण गतिविधि अगाडी बढाउने ।
-सबै कमिटीलाई पार्टी एकता विरोधी गतिविधि नगर्न निर्देशन दिने ।
-उपाध्यक्ष कमरेड बामदेव गौतमलाई उपयुक्त समयमा प्रतिनिधि सभा निर्वाचनको उम्मेद्वार बनाउने ।
-बैशाख २४ गते सचिवालयको बैठक बसी प्रस्ताव तयार गर्ने र २५ गते ११ बने काठमाडौंमा स्थायी समितिको बैठक आयोजना गर्ने ।
हेर्नुहोस् भिडियो !
https://www.facebook.com/bpanmol2045/videos/10218517922274140/?t=2
वि.सं.२०७७ वैशाख २० शनिवार २०:३७ मा प्रकाशित
