एजेन्सी । भारतमा लकडाउनको तेस्रो चरणमा विभिन्न प्रकारको छुट दिइएको छ । दिल्लीसमेत देशका विभिन्न हिस्सामा सोमबार बिहानैदेखि हलचल देखिएको छ ।
यसपटक रक्सीको पसल खोलिएको छ, यस्तोमा सोमबार दिल्लीको रक्सीको पसल बाहिर अत्यधिक भीड देखिएको छ । भीड यति धेरै भएको छ कि थुप्रै इलाकामा दिल्ली पुलिसले पसल नै बन्द गराउनु पर्यो ।
मार्च २४ पछि भारतभरी लागू गरिएको लकडाउनका कारण रक्सी पसल पनि बन्द थिए । लकडाउन तेस्रो चरणमा आएपुग्दा रक्सी–पान–गुटखाका पसल खोलिएका छन् ।
#WATCH Gujarat: A clash erupts between migrant workers & police in Surat. The workers are demanding that they be sent back to their native places. pic.twitter.com/aiMvjHGukY
— ANI (@ANI) May 4, 2020
सोमबार बिहान जब पसल खोलियो तब बिहान ८ बजेदेखि नै लामो लाइन लाग्यो । यतिबेला सरकारले तोकेको सामाजिक दुरी कसैले पनि पालना गरेनन् ।
कति स्थानमा २ किलोमिटरसम्मको लाइन लाग्यो । भीड अनियन्त्रित भएको देखेर पुलिसले पसल नै बन्द गर्यो । कश्मीर गेट नजिकै पुलिसले लाठीचार्जसमेत गर्नुपर्यो । पुलिसले कृष्णानगरमा खोलिएको पसल पनि बन्द गर्नुपर्यो किनभने यहाँ मानिसहरु सामाजिक दुरीको नियम पालना गरेका थिएनन् ।
वि.सं.२०७७ वैशाख २२ सोमवार १५:०८ मा प्रकाशित
