काठमाडौं । लकडाउन यता आज पहिलो पटक सुनचाँदीको मूल्य तय गरिएको छ । नेपाल सुनचाँदी ब्यवसायी महासंघले निर्धारण गरेको नयाँ मूल्य अनुसार आज सुन प्रतितोला ८७ हजार ४०० कायम भएको छ ।
यो चैत १० गते यता १० हजार ४०० ले बढेको मूल्य हो । आज छापावाल सुनको मूल्य प्रतितोला ८७ हजार ४ सय र तेजावी सुनको मूल्य प्रतितोला ८६ हजार ९ सय ६० तोकिएको छ । यस्तै चाँदीको मूल्य प्रति तोला ९२५ तोकिएको छ ।
महासंघले आजबाट नियमित रुपमा बजार सुचारु गर्ने र सुनको मूल्य पनि लकडाउन भन्दा पहिले जसरी नै दैनिकरुपमा निर्धारण गरिने जनाएको छ ।
वि.सं.२०७७ जेठ २५ आइतवार ११:५३ मा प्रकाशित