काठमाडौं । प्रधानमन्त्री निवास नजिकै बालुवाटार क्षेत्रबाट डेढ दर्जन प्रदर्शनकारी पक्राउ परेका छन्। उनीहरु रुकुमको सोतीमा भएको हत्याकाण्डको विरोध गर्दै प्रधानमन्त्री निवासमै ज्ञापन पत्र बुझाउन जाँदा पक्राउ परेको साझा पार्टीका नेता समेत रहेका अभियन्ता प्रकाश परियारले जानकारी दिनुभयो ।
प्रकाउ पर्नेहरुमा जीवन परियार, मा. लक्ष्मी परियार (घाइते भई वीर अस्पतालमा), राजकुमार हिङमाङ, टेक बहादुर विक,रणबहादुर रम्तेल, राम नेपाली, शोभा विश्वकर्मा, दुर्गा बराइली, धर्मराज विडवाल, संघर्ष दाहाल, सर्मिला बागचन, हिक्मत महरा, सुनिता मरिक, लक्ष्मी थापा, नानी मैयाँ पुर्कोटी रहेका छन् ।
उनीहरुलाई पक्राउ गरेपछि प्रदर्शनमार्ग स्थित नेपाल पुलिस क्लवमा राखिएको छ । रुकुमको सोतीमा गत महिना अन्तरजातीय प्रेम र विवाहका सन्दर्भमा विवाद भई छ जना युवाको हत्या भएको थियो।
वि.सं.२०७७ असार १० बुधवार १६:०७ मा प्रकाशित
