काठमाडौं । आइतवार नेप्से परिसुचक ८४ अंकले वृद्धि भएपछि १८ वटा कम्पनीको शेयर मूल्यमा पोजेटिभ सर्किट ब्रेक लागेको छ ।अत्यधिक खरीद चाप भएपछि पोजेटिभ सर्किट ब्रेक लागेको हो । १८ वटा कम्पनी मध्ये ६ वटा कम्पनीको शेयर मूल्य १० प्रतिशतले वृद्धि भएको छ ।
गुँरास लघुवित्त वित्तीय संस्था,एनआईसि एशिया बैंक, नबिल बैंक, नेपाल इन्भेष्टमेण्ट बैंक र नेपाल इन्भेष्टमेण्ट बैंकको संस्थापक शेयरको शेयर मूल्य १० प्रतिशतले वृद्धि भएको हो ।
त्यसैगरी नागरिक लगानी कोषको शेयर मूल्य ९.९९,प्रतिशत ,नेपाल लाइफ इन्स्योरेन्सको ९.९६ प्रतिशत, एभरेष्ट बैंकको ९.९५ प्रतिशत, हिमालयन डिष्टीलरीको ९.९५ प्रतिशत, ज्योति विकास बैंकको ९.९४ प्रतिशत, एनएमबि बैंकको ९.९३ प्रतिशत, सेञ्चुरी कर्मशियल बैंकको ९.८८ प्रतिशत, एनसीसी बैंकको ९.८९ प्रतिशत, मेगा बैंकको ९.८६ प्रतिशत, मञ्जुश्री फाइनान्सको ९.७४ प्रतिशत, नेपाल बैंकको ९.७२ प्रतिशत र लुम्बिनी विकास बैंकको शेयर मूल्य ९.५ प्रतिशतले वृद्धि भएको छ ।
नेप्सेले कम्पनीको शेयर मूल्य ९ दशमलव ५ प्रतिशतभन्दा माथिको वृद्धिलाई सर्किट ब्रेक मान्दै आएको छ । मौद्रिक नीति पुँजी बजारमैत्री आएपछि लगानीकर्ताको आत्मबल झनै वृद्धि भएको हो । केन्द्रीय बैंकले नयाँ मौद्रिक नीतिमार्फत सेयर बजारका लगानीकर्ताले अघि सारेका मागहरु पूरा गरिदिएको छ ।
वि.सं.२०७७ साउन ४ आइतवार १३:०८ मा प्रकाशित
