काठमाडौं । सनराइज बैंकले ४० वर्षे अवधिको घर जग्गा कर्जा योजना ल्याएको छ । बैंकले ९.९५ प्रतिशत ब्याजदरको सनराइज घर कर्जा योजना ल्याएको जनाएको छ ।
घर निर्माण, घर तथा जग्गा खरिद र सेयरको धितो कर्जा योजना ल्याएको छ । बैंकले ९.९५ प्रतिशतको सेयर धितो कर्जा योजना पनि ल्याएको छ । कोभिड-१९ ले अर्थव्यवस्थामा परिरहेको असहज परिस्थितिका बावजुत पनि कर्जा सुविधालाई सहजीकरण गर्ने उद्देश्यले बैंकले नयाँ कर्जा योजना ल्याएको जनाएको छ ।
कर्जा लिन चाहने ग्राहकले विनाझन्झट छिटो छरितो कर्जा प्राप्त गर्न सक्ने बैंकले जनाएको छ । बैंकको १३४ स्थानमा फैलिएको शाखाबाट यो सुविधा प्राप्त गर्न सकिने जनाइएको छ ।
वि.सं.२०७७ साउन ११ आइतवार १५:२६ मा प्रकाशित
