काठमाडौं । सोमबार थप १३९ जनामा कोरोना भाइरस (कोभिड -१९) संक्रमण पुष्टि भएको छ । यो संगै नेपालमा कुल संक्रमितको संख्या १८ हजार ७५२ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार सोमबारसम्म कोरोनाका संक्रिय बिरामीको संख्या ४ हजार ९ सय ५० पुगेको छ ।
जसमध्ये प्रदेश १ मा १९५, प्रदेश२ मा १ हजार ९११ जना , बागमती प्रदेशमा ४०२ जना, गण्डकी प्रदेशमा २४४ जना , प्रदेश ५ मा ३५३ जना,कर्णाली प्रदेशमा ३७५ जना र सुदूरपश्चिम प्रदेशमा १ हजार ७ सय ४० जना रहेका छन्।
मन्त्रालयका अनुसार पछिल्लो २४ घन्टामा ६२६ जनाले कोरोना जितेर घर फर्किएका छन्। योसहित कोरोना जित्नेको कुल संख्या १३ हजार ५४ पुगेको छ। क्वारेन्टाइनमा रहनेको संख्या १६ हजार ३७९ पुगेको छ । यस्तै आइसोलेसनमा ४ हजार ९ सय ५० जनाको उपचार भइराखेको छ ।
वि.सं.२०७७ साउन १२ सोमवार १६:३० मा प्रकाशित