काठमाडौं । नेपाल राष्ट्र बैंकले लघुवित्त वित्तिय संस्था तर्फ पनि कोभिड १९ प्रभावित क्षेत्रमा प्रवाहित कर्जाको सावाँ तथा व्याज भुक्तानीको अवधी थप गरेको छ ।
नेपाल राष्ट्र बैंकले हालै एक निर्देशन जारी गर्दै गत असार मसान्तसम्म असुल हुनुपर्ने कर्जा हकमा यस्तो व्यवस्था गरेको हो । कोभिड–१९ को प्रभावको कारणले २०७७ असार मसान्तसम्म असुल हुन नसकेको किस्ताको साँवा र ब्याज रकमलाई ऋणीले सञ्चालन गरेको लघु उद्यम, पेशा, व्यवसायमा परेको प्रभाव, सुचारु हुन लाग्ने समय, ऋणीको आवश्यकता आदिको मुल्याङ्कन गरी २०७७ असोज मसान्तभित्र एक पटकको लागि बढीमा ६ महिनासम्म भुक्तानी अवधि थप गर्न सकिने राष्ट्र बैंकको भनाइ छ ।
यसरी भुक्तानी अवधि थप गरिएको किस्ताको साँवा र ब्याज रकम २०७७ चैत्र मसान्तभित्र समान किस्तामा असुल उपर गर्ने व्यवस्था गर्नु पर्ने निर्देशनमा उल्लेख छ ।
यस्त्र, यस्तो किस्ता रकम नियमितरुपमा भुक्तानी गर्ने ऋणीबाट कुनै प्रकारको ब्याज/शुल्क/हर्जाना/ब्याजको ब्याज पनि लिन नपाइने राष्ट्र बैंकको निर्देशन छ ।
वि.सं.२०७७ साउन १४ बुधवार १३:०९ मा प्रकाशित