काठमाडौं । काठमाडौं उपत्यका कोरोनाको उच्च जोखिममा रहेको स्वास्थ्य मन्त्रालयले जनाएको छ । मुलुकभर दिनप्रतिदिन कोरोना संक्रमितको संख्या बढदै गएपछि सरकारले उच्च सतर्कता अपनाउन आग्रह गरेको छ ।
जनस्वास्थ्यको मापदण्ड अनिवार्य पालना गर्न, घरबाहिर अतिआवश्यक अवस्थामा बाहेक ननिस्कन र भिडभाड नगर्न, चाडपर्व घरमा बसी मनाउन स्वास्थ्य मन्त्रालयले आग्रह गरेको छ ।
स्वास्थ्य मन्त्रालयले एक सूचना गरी सबैलाई सतर्क रहन बताएको छ। सूचनामा भनिएको छ,’ शंकास्पद संक्रमितहरुको खोजपडताल गर्ने काम भइरहेको छ ।
शंकास्पद व्यक्तिहरुको सम्पर्कमा आएका व्यक्तिहरु र जोखिमयुक्त स्थानबाट आएका व्यक्तिहरुले नजिकको स्वाब संकलन केन्द्रमा गई परीक्षण गर्नुहुनु अनुरोध छ।’ बिहानको ९ बजेदेखि १ बजेसम्म गई स्वाब परीक्षण गरी सहयोग गर्नलाई स्वास्थ्य मन्त्रालयले जारी गरिएको सूचनामा उल्लेख गरिएको छ।
वि.सं.२०७७ साउन २० मंगलवार १४:१३ मा प्रकाशित
