काठमाडौं । एनसेल अब पब्लिक कम्पनी बनेको छ । एनसेल कम्पनी रजिस्ट्रारको कार्यालयबाट नाम परिवर्तन भई एनसेल आजियाटा लिमिटेड बनेको हो ।
साउन १९ गतेको निर्णय बमोजिम नाम परिर्वतन भएको कम्पनीले जारी गरेको सूचनामा उल्लेख छ । यससँगै अब कम्पनीको सम्पूर्ण कामहरु एनसेल आजियाटा लिमिटेडको नामबाट हुने कम्पनीले जनाएको छ ।
एनसेल निजी क्षेत्रबाट सञ्चालित नेपालको सबैभन्दा ठूलो दूरसञ्चार सेवा प्रदायक कम्पनी हो । पब्लिक कम्पनीका रूपमा रुपान्तरण भएसँगै अब कम्पनीलाई सर्वसाधारणलाई आईपीओ निष्कासन गर्ने बाटो खुलेको छ ।
वि.सं.२०७७ साउन २१ बुधवार ११:०९ मा प्रकाशित
