कैलाली । टीकापुरको खक्रौलास्थित बालुवाटारमा युवा समूहबीच झडप हुँदा ५ जना घाइते भएका छन् । टीकापुर नगरपालिका वडा नम्बर ६ र ९ का युवाबीच शनिबार साँझ झडप भएको हो ।
झडपमा वडा नम्बर ६ प्रसेनीका दिनेश साउद, किरण रावल र सुरज चौधरी तथा ९ बैदीका तपेन्द्र साउद र भुवन साउद घाइते भएको टीकापुर प्रहरीले जनाएको छ । घाइते मध्ये दिनेश , भुवन र सुरजको अवस्था गम्भीर छ । उनीहरुलाई टीकापुर अस्पतालबाट नेपालगञ्ज लगिएको छ ।
अन्य दुई जनाको टीकापुर अस्पतालमा उपचार भइरहेको छ । प्रहरीका अनुसार झडपमा दुई समूहले एक–अर्कालाई धारिलो हतियार प्रहार गरेका थिए । घटनास्थलबाट प्रहरीले टीकापुर प्रसेनीका रवन साउद र लोकेन्द्र कडायत पक्राउ परेको छ ।
वि.सं.२०७७ साउन २५ आइतवार ०८:४६ मा प्रकाशित