काठमाडौं । सिद्धार्थ बैंकले गत आर्थिक वर्षमा २ अर्ब ९ करोड रुपैयाँ खुद नाफा गरेको छ । अघिल्लो आर्थिक वर्षमा बैंकले २ अर्ब २५ करोड रुपैयाँ खुदनाफा गरेको थियो थियो ।
गत वर्ष बैंकले कमाएको नाफाबाट सेयरधनीलाई ८६ करोड ६४ लाख रुपैयाँ लाभांश वितरण गर्न सक्ने सोमबार सार्वजनिक गरेको वित्तीय विवरणमा उल्लेख छ।
खुद नाफा घटेसँगै बैंकको प्रतिसेयर आम्दानी पनि गिरावट आएको छ । गत वर्ष प्रतिसेयर आम्दानी घटेर २१ रुपैयाँ ३८ पैसामा सीमित भएको छ । अघिल्लो वर्ष बैंकको प्रतिसेयर आम्दानी २३ रुपैयाँ थियो ।
वि.सं.२०७७ साउन २६ सोमवार १४:२३ मा प्रकाशित