धादिङ । विभिन्न जिल्लाबाट पृथ्वी राजमार्ग हुँदै काठमाडौं उपत्यका प्रवेश गर्न रोक लगाइएको छ । धादिङ जिल्लामा कोभिड–१९ को जोखिम बढ्दै गएपछि उपत्यका प्रवेश गर्ने पृथ्वी राजमार्गमा कडाइ गरिएको हो ।
इलाका प्रहरी कार्यालय गजुरीका प्रमुख एवं प्रहरी नायब उपरीक्षक विश्वराज खड्काले विभिन्न जिल्लाबाट पृथ्वी राजमार्ग हुँदै उपत्यका प्रवेश गर्न रोक लगाइएको जानकारी दिए । धादिङ जिल्लामा कोभिड–१९ को जोखिम बढ्दै गएपछि उपत्यका प्रवेश गर्ने पृथ्वी राजमार्गमा कडाइ गरिएको प्रनाउ खड्काले बताए ।
बिहीबार (२९ साउन) देखि अत्यावश्यक बाहेकका सबै यातायात पूर्ण रुपमा बन्द भएको छ । त्रिभुवन राजपथ र पृथ्वीराजमार्गको धादिङ जिल्ला भित्रपर्ने क्षेत्रमा होटल, बैंक तथा वित्तीय संस्था र जिल्लाभित्रका सम्पुर्ण शैक्षिक संस्थाहरु बन्द रहेका छन् । निषेधाज्ञाको अवज्ञा वा अपहेलना गर्ने वा काममा बाधा पुर्याउने लाई कानुनबमोजिम कारवाही हुने प्रशासनले जनाएको छ ।
वि.सं.२०७७ साउन २९ बिहीवार १२:३३ मा प्रकाशित
