काठमाडौं । सनराइज बैंकको नाफामा कोरोनाको असर देखिएको छ । बैंकले गत आर्थिक वर्ष १ अर्ब ३९ करोड रुपैयाँ खुदनाफा गरेको छ ।
अघिल्लो आर्थिक वर्षमा बैंकले १ अर्ब ७० करोड रुपैयाँ नाफा गरेको थियो । बैंकले सेयरधनीलाई ५२ करोड ९१ लाख रुपैयाँ लाभांश वितरण गर्न सकने देखिएको छ ।
बैंकको निष्क्रिय कर्जा अनुपात १.८६, सीसीडी ७१.३० र स्प्रेडदर ४.३७ प्रतिशत छ । बैंकले असारसम्म ९० अर्ब २२ करोड रुपैयाँ निक्षेप परिचालन गरेको छ ।
अघिल्लो वर्षको सोही अवधिमा ७५ अर्ब ४४ करोड रुपैयाँ निक्षेप संकलन गरेको थियो । यसैगरी सनराइजले ८१ अर्ब रुपैयाँ कर्जा प्रवाह गरेको छ । अघिल्लो वर्ष ६८ अर्ब रुपैयाँ थियो ।
वि.सं.२०७७ साउन ३० शुक्रवार १०:३१ मा प्रकाशित
