बुटवल । बैंकका कर्मचारीदेखि टोलटोलमा समेत कोरोना भाइरसका संक्रमित भेटिएपछि रुपन्देहीको सिद्धार्थनगर नगरपालिकाले लकडाउन गर्ने निर्णय गरेको छ ।
शुक्रबार बसेको नगरपालिकाको बैठकले साउन ३१ गते राति १२ बजेदेखि भदौ ५ गते राति १२ बजेसम्म नगर क्षेत्रमा पूर्ण लकडाउन गर्ने निर्णय गरेको सूचना अधिकृत देवप्रसाद ज्ञवालीले जानकारी दिनुभयो ।
‘नगरमा कोरोनाको जोखिम बढेपछि अत्यावश्यक सेवाबाहेक अन्य पूर्णरुपमा बन्द गर्ने गरी लकडाउन गरिएको छ’, ज्ञवालीले भन्नुभयो, ‘कोरोनाबाट बच्न नगरबासी सबैले लकडाउनको पूर्णपालना गर्नुहुनेछ भन्ने हाम्रो विश्वास छ।’ लकडाउन भए पनि अत्यावश्यक सेवा भने सञ्चालन हुनेछन्।
वि.सं.२०७७ साउन ३० शुक्रवार १८:०२ मा प्रकाशित