काठमाडौं । मध्यपुर थिमी नगरपालिकाले आइतबारदेखि १० दिनसम्म सम्पूर्ण व्यवसाय र सार्वजनिक यातायात सञ्चालन गर्न नदिइने निर्णय गरेको छ ।
कोभिड-१९ को जोखिम न्यूनीकरणका लागि भन्दै नगरपालिकाले शनिबार विज्ञप्ति जारी गर्दै नगर क्षेत्रभित्रका सम्पूर्ण व्यवसाय र सार्वजनिक याताया साउन ३२ देखि भदौ ९ गतेसम्म संचालन गर्न निषेध गरिएको जानकारी गराएको हो।
नगरपालिका क्षेत्रभित्रका सम्पूर्ण व्यवसायहरू बन्द गर्ने तर खाद्यान्न, पानी, ग्यास र औषधि पसल भने बिहान ११ देखि दिउँसो १ बजेसम्म मात्र खोल्न पाइनेछ।
यस्तै नगरभित्र सार्वजनिक यातायात सञ्चालनमा रोक लगाइएपनि अरनिको लोकमार्गको हनुमन्ते पुलदेखि मनोहरा पुलसम्मको क्षेत्रमा सार्वजनिक यातायातमा यात्रु चढाउन र ओराल्न नपाइने तर गुडाउन भने पाइने व्यवस्था गरिएको नगरपालिकाको विज्ञप्तिमा उल्लेख छ।
वि.सं.२०७७ साउन ३१ शनिवार २१:०७ मा प्रकाशित
