काठमाडौं । बागमती प्रदेश नीति तथा योजना आयोगका कार्यवहाक उपाध्यक्ष श्याम बस्नेतले आफूले पाउने तलबको आधा रकम कोरोना कोषमा दिने घोषणा गर्नुभएको छ ।
बस्नेतले सरकार कोरोना भाइरसको कारण गम्भिर अप्ठ्यारो अवस्थामा रहेका भन्दै कोरोना नियन्त्रण नहुने समयसम्म आफ्नो आधा तलब नलिने घोषणा गर्नुभएको हो ।
उहाँले सामाजिक संजाल फेशबुकमा लेख्नुभएको छ,–’सरकार काेराेना भाइरसको कारण गम्भिर अप्ठ्याराे अवस्थामा छ । यस्ताे वेला सरकारलाइ सहयोग गर्न राजनीतिक नियुक्तिवाला सभासद र सरकारी सेवामा संलग्न कर्मचारीहरु सबैले आधा तलव लिइ अरु सरकारको कोरोना कोषमा कोरोना नियन्त्रण नहुने समयसम्म सहयोग गरी याो भयावह स्थितीबाट मुलुकलाइ जोगाइ मातृभूमि र मानवको कल्याण गराै । यो कार्यको शुरुवाती म बाट शुरु गर्ने प्रतिवद्धता व्यक्त गर्दछु ।’
वि.सं.२०७७ भदौ ३ बुधवार ०९:३४ मा प्रकाशित
