हेटौँडा । बागमती प्रदेश सरकारले दैनिक ९ सय नमूना परिक्षण गर्ने उपकरण सहीतको ल्याब हेटौंडामा सञ्चालनमा ल्याउने भएको छ । कोभीड नाईन्टिन महामारीका रुपमा फैलदै गएपछि प्रदेश सरकारले हेटौंडा सहीत सिन्धुली, भक्तपुर र नुवाकोटको त्रिशुलीमा प्रयोगशाला निर्माण सुरु गर्न लागेको हो ।
प्रदेश सरकारकै लगानीमा शनीबारदेखि नै काभ्रेको धुलीखेलमा प्रादेशिक प्रयोगशाला सञ्चालनमा आएको छ । हेटौँडामा मदन भण्डारी स्वास्थ्य विज्ञान प्रतिष्ठान अन्तर्गतको रिसर्च सेन्टरलाई दिर्घकालीनरुपमा ब्यवस्थापन गर्ने र हाललाई कोभीड नाईन्टीन भाइरस परिक्षण गर्ने उद्देश्यले प्रयोगशाला निर्माण हुँदैछ ।
किट जन्य रोग अनुसन्धान तथा तालिम केन्द्रको ल्याबलाई समेत प्रदेश सरकारले निरन्तरता दिने मुख्यमन्त्री डोरमणि पौडेलले बताउनुभयो । भोली सोमबार तीनवटै प्रयोगशाला निर्माणको टेण्डर प्रकृया सुरु हुने मुख्यमन्त्रीका स्वकीयसचीब अनुप पौडेलले बताउनुभयो ।
अहीले हेटौंडाको प्रयोगशालामा हेटौंडा सहीत प्रदेश २ बाट समेत नमूना आईरहेका छन् । हेटौैँडामा भाइरस परिक्षणका लागि नमूनाको चाप बढेसंगै आइतबार ५ सय नमूना धुलीखेल पठाईएको छ । त्यसको रिपोर्ट छिट्टै प्राप्त हुने बताईएको छ ।
वि.सं.२०७७ भदौ ७ आइतवार ०९:२३ मा प्रकाशित
