काठमाडौँ । नेपालमा थप ९२७ जनामा कोरोना भाइरसको सङ्क्रमण पुष्टि भएको छ । योसंगै कुल संक्रमितको संख्या ३६ हजार ४५६ पुगेको छ ।
देशका विभिन्न प्रयोगशालामा गरिएका १० हजार २२९ नमुना परीक्षणमा ९२७ जनामा संक्रमण पुष्टि भएकोे स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिनुभयो ।
त्यसैगरी पछिल्लो २४ घण्टामा थप १६९ जना कोरोना संक्रमणमुत्तः भएका छन् । योसहित नेपालमा हालसम्म २० हजार २४२ उपचारपछि निको भएका छन् । द
देशभर हाल १६ हजार १९ जना आइसोलेशनमा रहेको मन्त्रलयले जनाएको छ । त्यस्तै देशभरका क्यारेन्टिनहरुमा हाल ८ हजार ९३९ जना रहेका छन् ।
यस्तै, पछिल्लो २४ घन्टामा काठमाडौँ उपत्यकामा ४१५ जनामा कोरोना सङ्क्रमण पुष्टि भएको छ । जसमा काठमाडौँमा ३५०, ललितपुरमा ११ र भक्तपुरमा ५४ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
वि.सं.२०७७ भदौ १२ शुक्रवार १६:२६ मा प्रकाशित
