काठमाडौं । लिवर्टी इनर्जी कम्पनी लिमिटेडको प्राथमिक सेयर (आइपीओ) बाँडफाड सोमबार हुने भएको छ । सोमबार बिहान १० बजे आइपीओ बाँडफाँट हुने कार्यक्रम तय भएको निष्कासन तथा बिक्री प्रवन्धक एनआईबीएल एस क्यापिटल लिमिटेडले जनाएको छ ।
बाँडफाँट फेसबुक लाइभबाट पनि देखाइने एनआईबीएलले जनाएको छ । लिवर्टी इनर्जीको आइपीओमा ७० करोड रुपैयाँ बराबरको आवेदन परेको छ । जसमा १ लाख ८५ हजार जनाले ७० लाख कित्ताका लागि आवेदन दिएका हुन् ।
यो सर्वसाधारका लागि बिक्री खुला गरिएको कित्ताको मागभन्दा १.९६ गुणा धेरै हो । यस कम्पनीले भदौ ३ गतेबाट ७ गतेसम्म सर्वसाधारणका लागि ३५ लाख ६४ हजार ९३० कित्ता सेयर बिक्री खुला गरेको हो ।
कम्पनीले यसअघि स्थानीय बासिन्दाहरुका लागि निष्कासन गर्दा बिक्री नभएको १३ लाख १५ हजार ९३० कित्ता समेत थप गरी ३५ लाख ६४ हजार ९३० कित्ता सेयर सर्वसाधारणमा बिक्रीमा ल्याइएको हो ।
वि.सं.२०७७ भदौ १३ शनिवार ०९:२७ मा प्रकाशित
