काठमाडौं । उपत्यकामा पछिल्लो २४ घण्टामा चार सय २९ जनामा कोरोना भाइरसको संक्रमण पुष्टि भएको छ ।स्वास्थ्य मन्त्रालयका अनुसार आइतबार काठमाडौंका तीन सय ७२ ललितपुर १२ र भक्तपुरमा ४५ जनामा संक्रमण देखिएको हो ।
त्यस्तै पछिल्लो २४ घण्टामा उपत्यकासहित देशैभर १२ सय २१ कोरोनाका सङ्क्रमित थपिएका छन् ।केही दिनयता काठमाण्डौ उपत्यकासहित देशैभर कोरोनाको जोखिम बढिरहेको छ । यही अवस्थालाई ध्यानमा राखी विभिन्न जिल्लामा निषेधाज्ञा र लकडाउन घोषणा गरिएको छ ।
कोरोनाको जोखिम बढ्दै गएपछि काठमाण्डौ उपत्यकामा निषेधाज्ञाको अवधि थप गरिएको छ । गएको बुधबार रातिसम्म लागू गरिएको निषेधाज्ञाको अवधि एक हप्ताले बढाइएको हो ।
वि.सं.२०७७ भदौ १४ आइतवार १६:३५ मा प्रकाशित
