काठमाडौं । कोरोना भाइरसको महामारी अहिले सारा विश्व्मा नै व्याप्त छ । कोरोना भाइरसका कारण हेरक दिन जसो नै हजारौँ मानिसहरुको मृत्यु भईरहेको छ भने लाखौँ मानिसहरु संक्रमित भईरहेका छन् ।
वैज्ञानिकहरुले कोरोनाविरुद्धको भ्याक्सीन बनाउन लागि परे पनि सफलता हात पार्न सकेका छैनन् । यसैबीच विश्व स्वास्थ्य संगठन (डब्ल्यूएचओ) ले कोरोनाबारे नयाँ चेतावनी दिएको छ ।
अहिले कोरोना भाइरसका एक्टिभ केस धेरै रहेको र कुनै पनि इभेन्ट आयोजना गर्न नहुने बताएको छ । सोमवार डब्ल्यूएचओले कोरोना भाइरसलाई नियन्त्रण नगरी इकोनोमि सोसाइटी खोल्दा धेरै खतरनाक हुन सक्ने बताएको छ ।
डब्ल्यूएचओका प्रमुख डा. जेनरल टेड्रोस अधोनम घेब्रेयेससले मानिसहरु घरमै बसेर थाकिसकेकोले बाहिर निस्किन चाहेपनि कोरोना नियन्त्रणमा नआई बाहिर निस्किनु सबैका लागि खतरनाक हुन सक्ने बताएका हुन् । उनले धार्मिक स्थल, नाइट क्लब, र भीड भएका ठाउँबाट धेरै संक्रमित पाइएको बताएका छन् ।
(एजेन्सीको सहयोगमा)
वि.सं.२०७७ भदौ १७ बुधवार ०८:२६ मा प्रकाशित
