काठमाडौं । काठमाडौंको गोंगबुमा भएको हत्यामा संलग्नताको आरोपित कल्पना मुडभरी पौडेलविरुद्ध आजीवन जन्मकैदको माग दाबी भएको छ। जिल्ला अदालत काठमाडौंमा कल्पनाविरुद्ध महानगरीय प्रहरी परिसर काठमाडौंले जन्मकैदको माग दाबी गरेको हो ।
२० दिनको अपराध अनुसन्धानपछि रोल्पाको रून्टीगढी गाउँपालिकाका कृष्णबहादुर बोहराको हत्या घटनामा कल्पनाको संलग्नता देखिएको प्रहरी दाबी छ। कसूर प्रमाणित हुने सबुत, प्रमाण र बयान पनि प्रहरीले संकलन गरेको जनाएको छ ।
सोही आधारमा अदालतसमक्ष कल्पनाविरुद्ध जन्मकैदको माग दाबी गरिएको परिसरका प्रहरी उपरीक्षक तथा प्रवक्ता सोमेन्द्रसिंह राठौरले बताए।
वि.सं.२०७७ भदौ १७ बुधवार १३:३० मा प्रकाशित
