काठमडौं। काठमाडौ उपत्यकामा थप एक साताका लागि निषेधाज्ञा जारी राख्ने निर्णय भएको । कोरोना संक्रमण रोकथामका लागि काठमाडौं, भक्तपुर र ललितपुरका प्रमुख जिल्ला अधिकारीहरूको बुधबारको बैठकले संक्रमणको जोखिम बढ्दै गएकोले थप एक हप्ता निरन्तरता दिनुपर्ने निर्णय गरेको हो।
तीन जिल्लाका सीडीओहरुले औपचारिक सूचना जारी गर्दै निषेधाज्ञाको मोडालिटीमा थोरै परिवर्तन गरिएको जनाएका छन् । सूचना अनुसार बिहान ११ बजेसम्म किनमेल र हिडडुलका लागि खुकुलो गरिएको छ ।
बैंकलगायतका नियमित सेवा प्रदायक संस्थाहरूले स्वास्थ्य सुरक्षाको मापदण्ड पालना गरी न्यूनतम कर्मचारी राखेर सेवा दिन सक्ने व्यवस्था मिलाइएको छ ।
तर होटल, रेष्टुरेन्ट, फुटपाथ पसल भने पूर्ण रूपमा बन्द गरिनेछ। उपत्यका नगरपालिका फोरमले थप एक हप्ता निषेधाज्ञा गर्नुपर्ने सुझाव तीनै सिडिओलाई दिएको थियो ।
के गर्न हुने, के नुहने ?
वि.सं.२०७७ भदौ १७ बुधवार १७:४४ मा प्रकाशित
