काठमाडौं । काठमाडौं उपत्यकामा अब बिहान ११ बजेसम्म खाद्यान्न, फलफूल, तरकारीलगायत अत्यावश्यक सेवाका व्यवसाययहरु सञ्चालन गर्न पाइने भएको छ ।
जिल्ला प्रशासन कार्यालय काठमाडौं, भक्तपुर र ललितपुरका प्रमुख जिल्ला अधिकारीहरुले एक साता निषेधाज्ञा बढाएसँगै यी सेवालाई खोल्ने समय बढाएका हुन् । काठमाडौं उपत्यकाका तीनवटै जिल्ला प्रशासन कार्यालयले बुधबार रातिबाट लागू हुनेगरी यस्तो निर्णय गरेका हुन् ।
यसअघि बिहान सवा ९ बजेसम्म मात्र यी व्यवशाय सञ्चालन गर्न पाइन्थ्यो । यसैगरी पिसिआर नेगेटिभ भएका व्यक्तिहरुबाट अनलाइन डेलिभरी सेवा दिन पनि खुला गरिएको छ ।
वि.सं.२०७७ भदौ १७ बुधवार १८:५८ मा प्रकाशित