काठमाडौँ । स्वयंम्भूस्थित मनमोहन मेमोरियल अस्पतालको आकस्मिक कक्षमा भर्ना भएका युवकमाथि बिहीबार राती आक्रमण भएको छ ।ग्याङफाइट पछि घाइते भएको युवकलाई खोज्दै अस्पताल आइपुगेको एक समूहले उपचाररत युवकमाथि आक्रमण गरेको हो ।
झगडा छुट्टाउन खोजेका डिउटीमा खटिएका चिकित्सक, नर्स तथा अन्य स्टाफमाथि समेत कुटपिट भएको अस्पताल स्रोतले जनाएको छ । रानीवन र वनस्थली ढुंगे धाराका टोले डनबीच झगडा भएको जनाइएको छ । सो भिडन्तका कारण अस्पतालमा १४ लाख बढीको मेडिकल सामग्रीमा क्षति पुगेको छ ।
वि.सं.२०७७ भदौ १९ शुक्रवार १६:०० मा प्रकाशित
