काठमाडौं । एनआईसी एशिया लघुवित्त वित्तीय संस्थासँग मर्जर प्रक्रियामा रहेको स्वदेशी लघुवित्त वित्तीय संस्थाले गत आवको मुनाफाबाट लाभांश नबाड्ने भएको छ । कम्पनीको भदौ २४ गते बसेको सञ्चालक समितिको बैठकले लाभांश नबाड्ने निर्णय गरेको हो ।
कम्पनीले गत आवको नाफा नोक्सान तथा बासालात आम्दानी लगायतका वित्तीय विवरण र सोसँग सम्बन्धित अनुसूचीहरु सञ्चालक समितिबाट स्वीकृति गरी नियामक निकाय नेपाल राष्ट्र बैंकमा वार्षिक साधारण सभा गर्न स्वीकृतिको लागि पठाएको कम्पनीले जानकारी गराएको छ ।
हाल कम्पनी एनआईसी एशिया लघुवित्तसँग मर्जर प्रक्रियामा रहेकाले कम्पनीको शेयर कारोबार रोक्का रहेको छ ।
वि.सं.२०७७ भदौ २५ बिहीवार १२:४४ मा प्रकाशित