काठमाडौं । प्रिमियर इन्स्योरेन्स कम्पनीको स्वामित्वमा रहेको नागरिक लगानी कोषको संस्थापक शेयर आइतवारदेखि विक्री खुला भएको छ ।
प्रिमियर इन्स्योरेन्सको स्वामित्वको नागरिक लगानी कोषको ५० हजार कित्ता संस्थापक शेयर लिलामी प्रक्रियाबाट विक्री खुला भएको हो । यो शेयरको न्यूनतम प्रतिकित्ता मूल्य रू. २ हजार ३०० तोकिएकाले त्यसमा नघट्ने गरी गोप्य शिलबन्दी बोलपत्र पेश गर्नुपर्नेछ ।
यो शेयर असोज ४ गतेसम्म विक्रीमा रहनेछ । शेयर खरिद गर्न चाहने इच्छुक बैंक तथा वित्तीय संस्था र बीमा कम्पनीहरुले विक्री प्रबन्धक नबिल इन्भेष्टमेण्ट बैंकिङ लिमिटेड, नारायणचौर नक्साल वा प्रिमियर इन्स्योरेन्स कम्पनीको केन्द्रीय कार्यालय, नारायणचौर, नक्सालमा गोप्य शिलबन्दी बोलपत्र आवेदन बुझाउन सक्नेछन् ।
आवेदन दिंदा न्यूनतम १०० कित्ता वा अधिकतम सम्पूर्ण कित्ता खरीदको माग गर्न सकिनेछ । यो शेयर प्राप्त गर्ने आवेदकहरुले नागरिक लगानी कोषले जारी गर्ने तयारी गरेको हकप्रद शेयरमा समेत आवेदन गर्न पाउनेछन् ।
कोषले १ बराबर शून्य ८२८४ को अनुपातमा हकप्रद शेयर जारी गर्न भदौ २२ गते नेपाल धितोपत्र बोर्डमा निवेदन दर्ता गराएको छ ।
वि.सं.२०७७ भदौ २८ आइतवार १२:०१ मा प्रकाशित