काठमाडौं । सरकारले कोरोना संक्रमण परीक्षणको शुल्क ह्वात्तै घटाएको छ ।
आम नागरिकको भावना र चाहनालाई सम्बोधन गर्दै स्वास्थ्य तथा जनसंख्या मन्त्रालयले पिसिआर परीक्षण शुल्क घटाएको हो । स्वास्थ्य प्रवक्ता प्राडा. जागेश्वर गौतमका अनुसार अब सरकारी र निजी सबै ल्याबमा दुई हजार रुपैयाँमा पीसीआर परीक्षण हुने ब्यवस्था गरिएको छ ।
रिएजेन्ट र अन्य सामानको मूल्य घटेको आधारमा नयाँ मूल्य निर्धारण गरिएको स्वास्थ्य प्रवक्ता प्रा. डा. गौतमले जानकारी दिनुभयो ।सुरुमा पीसीआर टेष्टको शुल्क ५५ सय रुपैयाँ तोकिएको थियो । पछिल्लो समय त्यसलाई घटाएर ४ हजार रुपैयाँ बनाइएको थियो ।
आजबाट २ हजार कायम गरिएको हो । ‘सवै अस्पताल तथा ल्यावहरुमा पिसिआर परीक्षण गर्दा अन्तिम शुल्क २ हजार कायम तोकिएको छ, यस भन्दा अव बढी शुल्क लिन पाइदैन,’ प्रवक्ता गौतमले भन्नुभयो ।
वि.सं.२०७७ भदौ २८ आइतवार १७:११ मा प्रकाशित
