काठमाडौं । हेर्दा हेर्दै प्याजको मूल्य घटेको छ ।
बुधवार १४० रुपैयाँसम्म विक्रिी भएको प्याजको मूल्य एक्कासी प्रतिकेजी ८० रुपैयाँ भयो । बिहिबार बिहान महानगरपालिकाको बजार अनुगमन टोली मनोहराको तरकारी बजारमा पुग्यो ।
बजारमा रहेको सुनापति आलु प्याज सप्लायर्सले अनुगमन टोलीलाई प्याजको मूल्य प्रतिकिलो १२० रुपैयाँ बताए । प्याजको खरिद मूल्य अनुगमन टोलीले मागेपछि नजिकैको अर्का प्याज पसलले एकाएक डराए ।
अनुगमन टोलीका एक प्रतिनिधिकाअनुसार सलेज आलु प्याज भण्डारले तत्कालै प्रतिकिलो ६० रुपैयाँमा प्याज बिक्री गर्न थाल्यो । एक पसलमा भएको अनुगमनमा अर्को पसलेले आधी मूल्य घटाएपछि उपभेक्ताहरु हाँस्न थाले ।
‘हिजो बेलुकी १४० भन्दै थिए, अनुगमन टोली आएको थाहा पाएर ८० रुपैयाँ घटाएछन्’ एक उपभोक्ताले भने । प्याजको मूल्य आधा भन्दा धेरै घटेपछि अनुगमन टोलीकै सामुन्नेमा प्याज रित्तिएको थियो ।
वि.सं.२०७७ असोज ८ बिहीवार १४:२१ मा प्रकाशित
